ВИЗИЈА - СЕОПФАТНО И ДОСЛЕДНО ДЕЈСТВУВАЊЕ НА ТЕМЕЛНО ПОСТАВЕНИТЕ ЦЕЛИ, СО ПОЧИТУВАЊЕ НА ТРАДИЦИОНАЛНОТО И СОВРЕМЕНОТО, СЕМЕЈНОТО И ПРОФЕСИОНАЛНОТО И НЕГУВАЊЕ НА КУЛТУРАТА НА ЖИВЕЕЊЕ И ПРИРОДНАТА СРЕДИНА. .

Во ООУ „Гоце Делчев” оваа година се школуваат вкупно 600 ученици и тоа 15 паралелки во одделенска настава, 12 во предметна настава и 3 паралелки во продолжен престој, вкупно 30 паралелки. Училиштето располага со 11174 м² вкупен простор од кој 3000 м² корисен простор и 8174 м² добро уреден двор. Истиот е уреден со дрвја и цвеќиња, а на предниот дел има Спомен биста на патронот кој го одржуваат учениците. Училиштето е делумно оградено. Во зимските месеци просториите се загреваат со парно греење со нафта. Наставата се изведува во училишна зграда - објект кој максимално нуди услови за воспитание и образование за 700 ученици.

Воедно во склопот во училиштето е и спортската сала која не ги исполнува стандардите за настава по физичко и здравствено образование, која е реновирана 2004-2005 година. Анекс кон главната зграда е и објектот во кој се сместени два кабинети по техничко образование и две простории за паралелките од продолжен престој. По иницијатива и со помош на граданачалникот и локалната самоуправа уредeни се спортските терени за кошарка, ракомет, мал фудбал и уредување на забавен парк. За време на летниот распуст направена е подготвка во сите училници со расположливиот компјутерски капацитет за реализација на проектот „Компјутер за секое дете”. Извршена е целосна реконструкција на кровот и изградено е мулти наменско игралиште.